YO''L YURDIM
Sevgilim, umidlar bahorga o''xshar,
Ko''ngil noma''lum bir diyorga o''xshar,
Orzular eng yoman ag''yorga o''xshar,
Ul ag''yor orzular qurboni bo''ldim.
Toshqin daryo edim, quridi suvim,
Jo''shqin irmoq edim, yo''qotdim yo''lim,
Sel bo''ldim, sahroga sochilib ketdim,
Va oxir ko''lmakka aylanib qoldim.
Vodiylardan oshdim, cho''llardan oshdim,
Xayollarim uchdi, manzilga shoshdim,
Seni topolmayin, yo''ldan adashdim,
Daydi fursatlarning mahzuni bo''ldim.
Dedilarki, unut, barchasi kechar,
Kimdir zahar, kimdir sharbatdan ichar,
Inson qismatida borini bichar,
Xirmonim shamolga sovurib bo''ldim.
So''zlayversam so''z ko''p, yetmaydi zamon,
Zindonlarga kirdim, bitmadi zamon,
Ungurlarda qoldim, ketmadi zamon,
Damlarning oqsochli yo''lchisi bo''ldim.
Yoshim yigirma emas, go''yo yuz yetmish,
Aqlimni boy berdim, go''yo xayf ketmish,
Yo''l yurmayin hali, yo''llarim bitmish,
Tubsiz qopqonlarning asiri bo''ldim.
Yillarki tog''lardan axtardim seni,
So''qmoqlar yo''l bermay, qiynadi meni,
Nihoyat, jasadim kiydi kafani,
Sodiq tuproqlarning g''aribi bo''ldim.
